SERMON INA HANNA

Di ari Senin, 21 Maret 2010 dipatupa do sermon Ina Hanna HKBP Cijantung di Aula HKBP Cijantung na niuluhon ni St.P.Simanjuntak pkl.18.30. Nats Joh 4: 6-10 taringot tu Boru Samaria.

Pajumpang do Jesus dohot boru Samaria di sumur ni si Jakob di hos ni ari. Adong do pangkataion ni Jesus dohot boru Samaria, gabe adong perubahan pribadi di boru Samaria ima gabe parbarita nauli boru samaria i tu bangso na. Langsung do Jesus patandahon dirina na tu boru Samaria i, na ibana do Mesias i.

Dung sidung sermon, sesuai jadwal naung tinontuhon sadari ima dipatupa Pemilihan Koordinator Ina Hanna. Gabe tarpillit ma muse Inang Ny.Manik br Manulang gabe koordinator periode tahun 2010-2012.

Ny.Manik br manullang tarpilit gabe koorinator Ina Hanna 2010-2012

Sian diskusi, adong piga sungkun-sungkun sian sermon Punguan Ina Hanna ima:Ise do boru Samaria?; Boasa Jesus ingkon pajumpang dohot boru Samaria?; Aha do na berubah di pribadi ni Boru Samaria?; jala godang dope angka sungkun-sungkun na asing.

PANGKATAION NI JESUS DOHOT BORU SAMARIA

Sude jolma godang pangidoanna

Ima ngolu ni hajolmaon

Naeng nian ngolu on adong perubahan

Perubahan tu sonang ni ngolu

Hape, sai tongtong do ngolu i

Ujungna ndang porsea be jolmai adong Debata

Parjumpangan ni boru Samaria dohot Tuhan Yesus

Na ro Jesus tu sumur ni Jakob

Paimahon boru Samaria

Mambuat aek di hos ni ari

diboto Jesus do kebiasaan boru Samaria

sai mangalap aek di hos ni ari.

Dimulai Jesus pangkataion:

asa nian boru samaria i mangalehon aek tu Jesus

didok Jesus......

Parjolo ma jolo lehon ahu minum

Jesus mangigil na boi patupaon ni jolma

Aha doi ...?

Ndang arta, ndang hamoraon, ndang hepeng

Ala namora do Ibana

didok Jesus: Sai mangulahi mauas do

nasa na minum sian aek on
Alai na manginum aek silehononki

na so tupa mauas be i ro di salelenglelengna.

Ai anggo aek silehononki,

gabe mual do i di bagasan ibana,

na mabaor sahat ro di hangoluan sisalelenglelengna.

Naeng pasahatonta aha napinangido ni Jesus

Manomba Ibana dibagasan tondi dohot hasintongan

Manomba Ibana dibagasan roha na ias

Ala Ibana do dalan tu hangoluan

Ndang adong sahat tu Ama i

Ia so marhite Jesus Kristus